Feık aqparatqa ergenderdi kinálamaımyn: Roman Sklıar Ekibastuzdaǵy apat týraly
«Árıne, bul apattyń aýqymy az deýge bolmaıdy. Úsh shaǵyn aýdan zardap shekti. Biraq tutastaı alǵanda, qalada tómen bolsa da, jylý rejımi saqtaldy. Stantsııa jumys istep tur.
Energetıkalyq qadaǵalaý komıteti apattyń aldyn ala sebebin jarııalady. Ol standarttan tys: stantsııa bir retten jelige joǵary qysym berip otyrǵan. Jelidegi qysymdy shamamen 40 paıyzǵa kótergen. ıAǵnı, bul jerde tehnıkalyq turǵydan qate sheshim qabyldanǵan. Bul magıstraldardaǵy úlken 3 apatqa ákeldi, qubyrlar 70 jerden jaryldy. Saldarynan paıda bolǵan geızerlerdi bárimiz kórdik, sonyń ishinde áleýmettik jelilerden de. Osyǵan baılanysty barlyq qala jylýsyz qalǵandaı kartına qalyptasty.
Qaıtalap aıtamyn, bul – asa iri apat. Ásirese, 70 úıdegi jylý máselesi óte kúrdeli boldy. Bul degenimiz 5 100 páter, onda 13 myńǵa jýyq adam turady», - dedi Roman Sklıar.
Sonymen qatar ol apattyń saldaryn joıý boıynsha qurylǵan jedel shtab kúnine eki ret baspasóz málimetin taratyp kelgenin atap ótti. Degenmen Roman Sklıardyń sózinshe, áleýmettik jelilerdegi jalǵan aqparatqa ergender de bolǵan.
«Shtabtan kúnine eki ret baspasóz habarlamasyn tarata otyryp, biz naqty aqparat usyndyq. Múmkin, kópshilik sanaly nemese beısanaly túrde túrli feıkterge ergen shyǵar. Biraq men turǵyndardy kinálamaımyn. Desek te kóptegen buqaralyq aqparat quraldary jedel shtab halyqty aldap jatyr dep jazdy. Senseńiz, bizge munyń qajeti joq: eger páterlerge jylý berilmese, biz solaı jazdyq», - dedi vıtse-premer.
Eske salaıyq, 27 qarashada Ekibastuz jylý elektr ortalyǵynda apat bolyp, qala turǵyndary jylýsyz qaldy. Qalada oqýshylar onlaın oqýǵa kóshirildi.
28 qarasha kúni tańerteń qalada jergilikti aýqymdaǵy tótenshe jaǵdaı jarııalandy.
30 qarashada Ekibastuzǵa Premer-Mınıstr Álıhan Smaıylov baryp, kináliler jaýapqa tartylatynyn aıtty.
Apat sebebi retinde jylý jelileriniń tozýy, jylý ortalyǵy basshylyǵynyń nemquraılylyǵy men ınvestıtsııalardyń jetkiliksizdigi ataldy.
Memleket basshysynyń tapsyrmasy boıynsha Premer-Mınıstrdiń birinshi orynbasary Roman Sklıar qalalyq jylý jelilerindegi apattyń saldaryn joıý jónindegi jumystar aıaqtalǵansha Ekibastuzda bolatyny habarlandy.
7 jeltoqsanda Prezıdent Qasym-Jomart Toqaev Ekibastuzdaǵy jóndeý jumystarynyń barysy týraly Premer-Mınıstrdiń baıandamasyn tyńdady.
8 jeltoqsanda Prezıdenttiń qabyldaýynda bolǵan Pavlodar oblysynyń ákimi Asaıyn Baıhanov jylý júıelerin qalpyna keltirý jumystary 15 jeltoqsanǵa deıin aıaqtalatynyn aıtty. Osy kúni Ekibastuz qalasynan tótenshe jaǵdaı rejımi alyndy.
Foto Valerıı Býgaev pen Esenjol Isabektiki