Feık: 28 shilde- 4 tamyz aralyǵynda Qazaqstanda COVID-19 indeti órshıdi

NUR-SULTAN. QazAqparat – Sanıtarlyq-epıdemıologııalyq baqylaý komıteti «Qazaqstanda 24 shilde men 4 tamyz aralyǵynda COVID-19 órshıdi» degen aqparatty joqqa shyǵardy, dep habarlaıdy QazAqparat stopfake.kz silteme jasap.

«WhatsApp messendjerinde Qazaqstanda 24 shilde men 4 tamyz aralyǵynda COVID-19 órshıdi. Osyǵan baılanysty qalalardyń ústinen ushaqtar dezınfektsııa júrgizetini» týraly habarlama taratylyp jatyr. Bul – jalǵan.

Sanıtarlyq-epıdemıologııalyq baqylaý komıteti bul aqparatty teriske shyǵardy.

«Bul aqparat shyndyqqa janaspaıdy. Dezınfektsııalyq zattardy áýe kóliginen búrký de josparda joq», - dep habarlady vedomstvonyń resmı ókili Erjan Baıtanaev.

Búgingi tańda elimizde KVI juqtyrǵan 549 628 naýqas anyqtaldy. Onyń ishinde 6 925-si 27 shildede tirkelgen.