Fertıldi jastaǵy áıelder jıi túsik jasatady - DSM
ASTANA. KAZINFORM — Elimizde jyl saıyn 70 myńnan astam túsik jasalady. Bul týraly búgin Úkimet otyrysynan keıingi brıfıngte Densaýlyq saqtaý mınıstrligi Ana men bala densaýlyǵyn saqtaý departamentiniń dırektory Maǵrıpa Embergenova aıtty.
- Elimizde jyl saıyn 70 myńnan astam túsik jasalady. Onyń ishinde fertıldi jastaǵy – 25-35 jas aralyǵyndaǵy áıelder arasynda kóp, - dedi ol BAQ ókilderiniń saýalyna oraı.
Aıta keteıik, osy jyldyń maýsymynda «AMANAT» partııasy janyndaǵy Otbasy jáne halyqty áleýmettik qorǵaý jónindegi keńes otyrysynda Májilis depýtaty Aına Mysyrálimova elimizde jasóspirimder orta eseppen 15-19 jas aralyǵynda erte jynystyq qatynasty bastaıtynyn aıtqan edi.
- Qatynasqa túsken jasóspirimderdiń 16,7 paıyzy keminde bir ret júkti bolǵan. Onyń ishinde 62 paıyzy bosanǵan, 22 paıyzy jasandy túsik jasatqan. Jasóspirimderdiń 16 paıyzynda júktilik ózdiginen túsik tastaýmen aıaqtalǵan, - deıdi keńes jetekshisiniń orynbasary.