Ferroqorytpa zaýytyndaǵy oqıǵa: mán-jaıdy arnaıy komıssııa tekseredi

QARAǴANDY. KAZINFORM – Segiz adam zardap shekken Qaraǵandydaǵy ferroqorytpa zaýytynda bolǵan jazataıym oqıǵanyń sebebi men mán-jaıyn anyqtaý úshin eńbek zańnamasy sheńberinde arnaıy komıssııa quryldy. Ony eńbek ınspektsııasy basqarmasynyń basshysy Murat Qaraqekilov basqardy, dep habarlaıdy Kazinform agenttiginiń tilshisi.

Komıssııa quramyna barlyq ýákiletti memlekettik organ ókilderi kirdi.

«Oqıǵa orny tekserildi, jazataıym oqıǵanyń kýágerlerine saýalnama júrgizilip jatyr. Tehnıkalyq qujattamamen tanysý júrip jatyr. Jumys oblys basshylyǵynyń turaqty baqylaýynda», - dep habarlady Qaraǵandy oblysy ákimdiginiń baspasóz qyzmeti.

Oqıǵa faktisi boıynsha ferroqorytpa zaýytynda QR QK 156-babynyń 2-bóligi boıynsha «Abaısyzda densaýlyqqa aýyr zııan keltirýge ákep soqqan eńbekti qorǵaý erejelerin buzý» boıynsha qylmystyq is qozǵaldy.

Esterińizge sala keteıik, keshe 20 shildede Qaraǵandyda ferroqorytpa zaýytynyń peshinde kenetten jalyn shyqty. TJ saldarynan kásiporynnyń segiz qyzmetkeri zardap shekti.

Qaraǵandy dárigerlerine elordadan áriptesteri kómekke keldi.