Ferrari Taıaý Shyǵysqa kólik jetkizýdi toqtatty
ASTANA. KAZINFORM — Italııalyq Ferrari avtokontserni aımaqtaǵy geosaıası jaǵdaıdyń shıelenisýine baılanysty Taıaý Shyǵysqa teńiz arqyly kólik jóneltýdi ýaqytsha toqtatty.
Milano Finanza agenttiginiń habarlaýynsha, bul sheshim Iran tóńiregindegi áskerı shıelenisterden týyndaıtyn táýekelderdiń artýyna baılanysty boldy.
Sonymen qatar, kompanııada tapsyrystardyń aıtarlyqtaı portfeli bar, bul olarǵa jetkizilimderdi basqa naryqtarǵa ishinara qaıta bólýge múmkindik beredi.
Belgili bolǵandaı, keıbir avtokólikter áýe arqyly jetkiziledi.
2025 jylǵy derekterge sáıkes, Taıaý Shyǵysta brendtiń shamamen 600 lıýks sporttyq kóligi satyldy. Jetkizý toqtatylǵany týraly habardan keıin Ferrari aktsııalary shamamen 4%-ǵa tómendedi.
Aıta keteıik, Nissan Taıaý Shyǵystaǵy kúrdeli ahýalǵa baılanysty avtokólik óndirisin qysqartady. Qysqartý Nissan X-Trail (keı elderde Rogue ataýymen satylady) jáne Nissan Serena modelderine qatysty. Al Nissan Shatai Kyushu Co. zaýytynda shyǵarylatyn jol talǵamaıtyn úlken Nissan Patrol modeliniń óndirisi ózgerissiz qalady.
