Ferrari basshysy qoǵamdyq jumysqa tartylady

ASTANA. KAZINFORM — Ferrari kompanııasynyń basshysy Djon Elkann ájesinen mura retinde úlken qarajat alǵan. Alaıda ol osy muraǵa baılanysty Italııaǵa salyq tólemegen. Bul úshin bılikpen daýǵa tap boldy. Aqyry ol memleketpen kelisimge kelip, iri kólemde salyq tóleýge jáne qoǵamdyq jumys isteýge mindetteldi.

Italııalyq prokýrorlar Elkann otbasyna tıesili aktıvter boıynsha shamamen 1 mıllıard eýro jáne tabystan 248,5 mıllıon eýro salyqtan jaltarýǵa áreket jasalǵanyn anyqtaǵan. Otbasy Djon Elkannnyń ájesin Shveıtsarııanyń salyq tóleýshisi retinde kórsetip, Italııada salyq tólemeýdi kózdegen.

Alaıda bul jospar iske aspady. Endi otbasy Italııanyń salyq organdaryna 183 mıllıon eýro tóleýi tıis. Al Djon Elkann bir jyl boıy qoǵamdyq jumystarǵa tartylyp, eńbek etýge mindetteldi. Onyń baýyry men qaryndasy tek aıyppul tóleýmen shektelgen.

Djon Elkann — áıgili Djannı Anellıdiń nemeresi. Djannı Anellı shaǵyn kásiporynnan bastalǵan Fiat kompanııasyn alyp ónerkásiptik alpaýytqa aınaldyrǵan. Elkann otbasy qazirgi tańda Ferrari, Stellantis, Juventus jáne basqa da kompanııalarǵa ıelik etedi.

Sheteldik basylymdar habarlaǵandaı, endi Ferrari prezıdenti jáne teń ıesi Djon Elkann qoǵamdyq jumys aıasynda aýla sypyrýshy, tazalyqshy nemese qarttar úıinde kómekshi qyzmetterin atqarýy múmkin.

Osyǵan deıin amerıkalyq aktrısa Andjelına Djolı qarasha aıynda 1958 jyly shyǵarylǵan Ferrari 250 GT kóligin aýktsıonǵa qoıatyny habarlandy.