Fermerlerge azyq-túlik óndirýge 4 paıyzdyq nesıe beriledi

ASTANA. QazAqparat – Aýyl sharýashylyǵy mınıstri Erbol Qarashókeev vedomstvonyń keńeıtilgen alqa májilisinen keıin Soltústik Qazaqstannyń azyq-túlik baǵasyn retteýdegi tájirıbesin qalaı búkil respýblıkaǵa taratatynyn túsindirdi, dep habarlaıdy QazAqparat tilshisi.

Onyń aıtýynsha, azyq-túlik baǵasyn áleýmettik-kásipkerlik korporatsııalar arqyly retteý kózdelip otyr. Ol úshin fermerlerge 4 paıyzdyq, uzaq merzimdi nesıeler berilmek.

«Aqpan aıynan bastap jobany iske asyramyz dep josparlap otyrmyz. Qazir ár óńirden suranys jınap, úlken jospar daıyndalyp jatyr. Soltústik Qazaqstannyń keıingi eki jyldaǵy tájirıbesi óte tıimdi boldy. 2021 jyldan bastap respýblıkalyq bıýdjetten áleýmettik kásipkerlik korporatsııaǵa respýblıkalyq bıýdjetten 4 paıyzdan tómen mólsherlemen aqsha alyp, sosyn uzaq merzimmen, 4 paıyzben azyq-túlik ónimderin óndirýge aqsha berildi. Qarajattyń arzandyǵy jáne uzaq merzimge berilýi sútti taýarly fermalardy, et baǵytyndaǵy qus fabrıkalaryn qarjylandyrýǵa múmkindik berdi», - dedi mınıstr.

Onyń sózinshe, ár óńirdiń azyq-túlik óndirýdegi áleýeti zerttelip jatyr. Oblystardan túsken suranym negizinde qaı óńirde qanda salaǵa 4 paıyzdyq nesıe beriletinin naqytalynp jatyr.

«Negizi osyny kóbeıtip, bul tájirıbeni Qazaqstan boıynsha árbir óńirge taratamyz»,, - dedi Erbol Qarashókeev.