Fermerlerge arnalǵan jańa baǵdarlama iske qosyldy
TÚRKІSTAN. QazAqparat - «Ońtústik» aımaqtyq ınvestıtsııalyq ortalyǵynyń enshiles uıymy «Yrys» mıkroqarjy uıymy jańadan «Yrys - órkendeý» baǵdarlamasyn iske qosty. Bul týraly QazAqparat uıymnyń baspasóz qyzmetine silteme jasap.
Oblys ákimi Janseıit Túımebaevtyń tapsyrmasy aıasynda júzege asyrylyp jatqan joba boıynsha endi uıym fermerlerge avanstyq tólemsiz qarjylyq lızıng túrinde qoldaý kórsetedi.
Baǵdarlamanyń ereksheligi jáne artyqshylyǵy - aýylsharýashylyǵyna arnalǵan jańa tehnıkalardy 9 paıyzben 84 aıǵa, ıaǵnı 7 jylǵa 10 mln teńgege deıin kepil múlkinsiz lızıngke alýǵa múmkindiktiń bolýy. Osy baǵdarlama boıynsha kásipkerler aýylsharýashylyǵy maqsatyndaǵy jáne aýylsharýashylyǵy tehnıkalaryna qajetti jabdyqtardy satyp ala alady. Munda aldyn-ala tólem retinde 25 paıyz ınvestıtsııalyq sýbsıdııa tólenedi.
Lızıngke Túrkistan oblysynda kásipkerlikpen aınalysatyn zańdy tulǵalar, sharýa qojalyqtar, jeke kásipkerler jáne aýyl sharýashylyǵy óndiristik kooperatıvteri qol jetkize alady.
