Fermerlerdiń nesıe paıyzyn jeńildetýge 353,5 mlrd teńge bólinedi

ASTANA. KAZINFORM — Aýyl sharýashylyǵy mınıstrligi aldaǵy 3 jylǵa fermerler men kásipkerlerdiń nesıege tóleıtin paıyzyn sýbsıdııalaýǵa 353,5 mlrd teńge bólmek. Bul týraly mınıstrlik mamandary Kazinform agenttiginiń resmı saýalyna bergen jaýabynda málimdedi. 

— 2026-2028 jyldar aralyǵanda paıyzdyq mólsherlemeni sýbsıdııalaý baǵyty boıynsha jergilikti atqarýshy organdarǵa jalpy sıpattaǵy transferttermen 353,5 mlrd teńge jiberý kózdelgen, sonyń ishinde 2026 jyly — 102,7 mlrd teńge, 2027 jyly — 82,6 mlrd teńge, 2028 jyly — 168,2 mlrd teńge, — deıdi jaýaptylar.

Aýyl sharýashylyǵy mınıstrligi fermerler men agroónerkásiptik keshen sýbektileriniń qaryzdaryn kepildendirý jáne saqtandyrý úshin jergilikti atqarýshy organdarǵa 17,3 mlrd teńge bólýdi josparlap otyr.

Sonymen qatar, osy tetikti tikeleı mınıstrlik arqyly iske asyrý úshin respýblıkalyq bıýdjetten taǵy 50 mlrd teńge qarastyrylǵan.

Jergilikti atqarýshy organdar arqyly bólinetin qarajat:

— 2026 jyly — 4 mlrd teńge

— 2027 jyly — 6 mlrd teńge

— 2028 jyly — 7,3 mlrd teńge

Mınıstrlik arqyly respýblıkalyq bıýdjetten bólinetin qarajat:

— 2026 jyly — 16 mlrd teńge

— 2027 jyly — 17 mlrd teńge

— 2028 jyly — 17 mlrd teńge

Aıta keteıik, Shyǵys Qazaqstan oblysynda birqatar fermer memlekettik qoldaý sharttaryn buzǵany úshin alǵan sýbsıdııalaryn bıýdjetke qaıtarýǵa mindettelmek.