Fermerlerdiń atynan sýbsıdııa alyp kelgender áshkerelendi

ASTANA. QazAqparat – Fermerlerdiń atynan sýbsıdııa alyp kelgen adamdar toby áshkerelenip, qylmystyq is tergelip jatyr, dep habarlaıdy QazAqparat Qarjylyq monıtorıng agenttigine (QMA) silteme jasap.

QMA Jambyl oblysy boıynsha departamenti sharýa qojalyqtarynyń rekvızıtteri men qujattaryn paıdalana otyryp, taýardy jetkizbeı, jumystar men qyzmetterdi oryndamastan shot-faktýralar jazyp berip kelgen birqatar tulǵaǵa qatysty qylmystyq isti tergep jatyr.

«Jalǵan shot-faktýralar sýbsıdııalanatyn tańqýraı túrlerin jetkizýge jazylyp kelgen. Keıin sharýa qojalyqtaryn eskertpesten olardyń atynan sýbsıdııa alýǵa elektrondy ótinim berilgen.

Tekserýler nátıjesinde fermerlerde tańqýraı egis alqaptary joq bolyp shyqty. Atalǵan tulǵalar memleketten 800 mln teńgeden astam somaǵa sýbsıdııa alǵan.

Alaıaqtyq faktileri boıynsha 4 qylmystyq is tirkeldi

QR Qylmystyq is júrgizý kodeksiniń 201-babyna sáıkes ózge aqparat jarııa etýge jatpaıdy», - delingen usynylǵan habarlamada.

Eskertilip ótkendeı, Konstıtýtsııanyń 77-babyna jáne Qylmystyq is júrgizý kodeksiniń 19-babyna sáıkes, sot úkimi zańdy kúshine engenge deıin kúdikti kinásiz bolyp esepteledi.