Fermerlerden astyqty tikeleı satyp alý qalaı iske asyp jatyr
ASTANA. KAZINFORM — QR Aýyl sharýashylyǵy mınıstrligi fermerlerden astyqty tikeleı satyp alý jumystaryna túsinik berdi.
- 2024 jylǵy jeltoqsanda Azyq-túlik korporatsııasy tikeleı satyp alý baǵdarlamasy aıasynda fermerlik sharýashylyqtardan 52 myń tonna astyq satyp aldy. Osy maqsattarǵa memlekettik operator óz rezervinen 3,4 mlrd teńge bóldi. Bastapqyda astyq artyǵyn tikeleı satyp alýǵa memlekettik bıýdjetten 10 mlrd teńge baǵyttaý josparlanǵan bolatyn. Azyq-túlik korporatsııasy bólgen qarajatty eskergende, baǵdarlamany qarjylandyrýdyń jalpy kólemi 13,4 mlrd teńgeni quraıdy. Bul aýyl sharýashylyǵy óndirýshilerinen 200 myń tonnadan astam astyq satyp alýǵa múmkindik beredi, - delingen mınıstrliktiń Kazinform agenttigine bergen jaýabynda.
2025 jylǵy 10 qańtardaǵy derekter boıynsha agrarshylar Azyq-túlik korporatsııasynyń óńirlik bólimshelerine 152,3 myń tonna bıdaı men arpa jetkizýge ótinim bergen.
- Astyqtyń qalǵan kólemin qabyldaý jáne aýyl sharýashylyǵy óndirýshilerine tólem jasaý memlekettik operatorǵa qarajat bólingennen keıin dereý jalǵastyrylady, - dep naqtylady vedomstvo.
Eske salsaq, byltyr Qazaqstanda rekordtyq kólemde astyq jınaldy.
Atap aıtqanda, Prezıdent Úkimetke Azyq-túlik korporatsııasy arqyly sharýalardan astyq satyp alýdy tapsyrdy.
2024 jyly kúzde elimizdegi fermerlerden 1 mln tonna astyqty tikeleı satyp alý josparlanyp otyrǵany aıtyldy.