Fermerler úshin jerdi jaldaý men jekemenshikke alýdyń esh aıyrmasy joq
«Búginde elimizde eńbek etetin aýyl sharýashylyǵy taýarlaryn óndirýshilerdiń qarasy kóp. Aýyl sharýashylyǵyn júrgizýdiń zamanýı ádisterin qoldanyp, onyń tıimdiligin arttyrýǵa tyrysqan fermerler de jeterlik. Biraq, jermen jumys isteý kerek. Tek sonda ǵana nátıjege jetýge bolady. Qazaqstanda jer óte qunarly. Onyń mol ónim berýge múmkinshiligi jeterlik. Alaıda, jerdiń áleýeti áli tolyq ashylǵan joq. Mysalǵa, Qazaqstan aýyl sharýashylyǵynyń JІÓ-degi úlesi 5 paıyz ǵana. Al bul kórsetkish Belarýsta 8, Ýkraınada 12, Ózbekstanda 30 paıyzdy quraıdy. 1990 jyldary Qazaqstannyń aýyl sharýashylyǵy úlesi JІÓ-niń 34 paıyzyn quraǵan edi. Mundaı jaıttyń oryn alýynyń basty sebebi jerdiń utymsyz paıdalanýy bolyp otyr», - dedi ol.
Sonymen qatar ol qazaqstandyqtarǵa jerdi jekemenshikke berý máselesine qatysty oıymen bólisti.
«Bul erekshe jan-jaqty qarastyrýdy qajet etetin mańyzdy másele. Sondyqtan sheshim qabyldaýda asyǵystyq tanytpaǵan jón. Kásipkerler jaýapkershilikti óz moınyna alýdy úırenýi qajet. Jekemenshikke jer alǵan kásipkerler qol qýsyryp otyrmaı, el men halyqtyń ıgiligi úshin jumys isteýi kerektigin, jerdiń áleýetin barynsha ashý úshin aıanbaı ter tógý kerek ekenin jiti túsinýi tıis. Jalpy alǵanda aýyl sharýashylyǵy jerlerin berýdiń eń tıimdi ári pármendi is-sharasy - uzaqmerzimdi jalǵa usyný. Sebebi, jerdi paıdalanyp júrgen fermerler úshin ony uzaqmerzimdi jalǵa alý men jekemenshikke alýdyń esh aırmashylyǵy joq», - dedi Aıdarbek Qojanazaruly.
