Fermerler men sharýa qojalyqtaryna glamýr kempıng salýǵa ruqsat beriledi
«Aýyldyq jerlerde kempıngter men qonaq úıler qurý boıynsha zańnamalyq shekteýler bar. Statıstıka boıynsha elimizde 219 myń fermerlik, sharýa qojalyqtary bar. Osy oraıda fermerlerge aýyl sharýashylyǵy jerleriniń 10%-dan aspaıtyn kólemin týrısterge qyzmet kórsetý úshin qonaq úıler men glempıngter salýǵa ruqsat berýdi usynamyz», - dedi Erjan Erkinbaev týrızmdi damytý máseleleri jónindegi kóshpeli alqa otyrysynda.
Mınıstrliktiń boljaýynsha, fermerlik sharýashylyqtardyń kem degende 1% týrısterdi ornalastyrýmen aınalyssa, kem degende 2 adamdy jumysqa alsa, jyl saıyn 6,6 myń adam jumys ornymen qamtylady.
Ótken jyly elimizdiń 8 óńiride (Almaty, Aqmola, Aqtóbe, Mańǵystaý, Pavlodar, Túrkistan oblystary, Almaty, Shymkent qalalary) 28 glempıng kesheni ashylǵan. Jaqyn arada osyndaı keshender «Altyn emel» ulttyq parkinde, Qarqaraly aýdanynda paıda bolady. Sondaı-aq Aqtóbe, Jambyl, Soltústik Qazaqstan oblystarynda osyndaı nysandardyń qurylysy josparlanǵan.
«Mysaly, agrotýrızm nysandary Frantsııada, Germanııada, Avstrııada, Argentınada, Belarýssııada týrıster arasynda óte tanymal», - dedi vıtse-mınıstr.
Foto: mirador-travel.com
