Fermerler QQS tóleýdi jón sanaıdy — Ulttyq ekonomıka mınıstrligi

ASTANA. KAZINFORM — Ulttyq ekonomıka birinshi vıtse-mınıstri Azamat Ámrın elimizdegi salyq reformasyna qatysty túsinik berdi. 

Búgin Senatta tilshiler qosymsha qun salyǵynyń ósýi aıasynda qandaı qıyndyqtar bolýy múmkin ekenin surady.

Óz kezeginde vıtse-mınıstr QQS-tiń ósýi esebinen bolatyn áleýmettik-ekonomıkalyq áserge tıisti esepteýler jasalǵanyn aıtty.

— Esepteýler naqty ınflıatsııaǵa qatysty boldy. QQS ósiminiń ınflıatsııaǵa jalpy áseri 2%-dan 2,5%-ǵa deıin. Bul tártip tolyq áser etpeıdi, óıtkeni kóptegen taýar QQS-tan bosatylady. Máselen, aýyl sharýashylyǵy taýaryn óndirýshiler, eń qajet degen azyq-túlik ónimderin óndiretin sharýa jáne fermer sharýashylyqtaryn atap ótýge bolady. Sondyqtan QQS-tyń ósýine baılanysty arnaıy baǵany kóterýge zańdy nemese ekonomıkalyq negiz joq, — dedi Azamat Ámrın.

Onyń aıtýynsha, fermerler QQS tóleýshimen jumys isteýdi qalasa, onda erikti túrde QQS tóleýshi bola alady.

— Astyq jáne sút ónimderin óndiretin aýyl sharýashylyǵy taýaryn óndirýshilermen kezdestim. Olardy QQS-tan tolyǵymen bosatýdy usyndyq. Al bıznes ókilderi «QQS tóleý quqyǵyn berińder» dedi, biz olarǵa osy saladaǵy tıisti tańdaý quqyǵyn berdik, — dedi vıtse-mınıstr.

Eske salsaq, bıyl shilde aıynda Memleket basshysy jańa Salyq kodeksine qol qoıdy.