Fermerler egisterden 2 ese artyq ónim alýǵa qol jetkizdi

ASTANA. QazAqparat -QR Aýyl sharýashylyǵy birinshi vıtse-mınıstri Qaırat Aıtýǵanov AÓK-ti damytýdyń memlekettik baǵdarlamasy aıasynda egis alqaptaryn ártaraptandyrý aıtarlyqtaı pármendi is-qımyl ekenin málimdedi, dep habarlaıdy QazAqparat.

«Bıdaı egisterin birtindep qysqartý júrip jatyr, alaıda bul bıdaıdy óndirý kólemin azaıtý degendi bildirmeıdi. Atap aıtqanda, bıdaı ósiretin fermerler az alqapta kóp ónim alýǵa baǵyt alýy tıis. Máselen, Qostanaı oblysyndaǵy aýyl sharýashylyǵy taýarlaryn óndirýshiler osyndaı baǵdarlamanyń qabyldanǵanyna Úkimetke rızashylyqtaryn bildirýde. Búginde olar dál sol aýmaqtan ónimdi 1,5-2 esege artyq alýda»,-dep túsindirdi Aıtýǵanov Úkimette ótken bapasóz máslıhatynda.

Onyń sózine qaraǵanda, ártaraptandyrý sharalarynyń nátıjesinde bıyldyń ózinde qospa jemdi óndirý kólemi 1,2 esege (1,2 mıllıonnan 1,4 mıllıon tonnaǵa deıin), sonymen qatar maıly dánder - 1,3 esege (1,5 mıllıonnan 1,9 mıllıon tonnaǵa deıin), otandyq qant 1,4 esege (36 myńnan 51 myń tonnaǵa deıin) artady.

Birinshi jartyjyldyqta 513 myń tonna qospa jem óndirilip, bul kórsetkish ótken jylmen salystyrǵanda 47 paıyzǵa artyq boldy.