Fermerler blokposttan kedergisiz ótip jatyr
«22 sáýirde Aýyl sharýashylyǵy mınıstrligi Іshki ister mınıstrligimen birlesip keńes ótkizdi. Oǵan Densaýlyq saqtaý mınıstrligi men jergilikti atqarýshy organdar qatysty. Nátıjesinde blokpostta qaǵaz túrindegi qujattar da, elektrondyq ruqsattar da eskerilýi tıis degen sheshim qabyldandy. Buǵan deıin respýblıkamyzdyń bas sanıtar dárigeriniń tıisti qaýlysy shyqqanyn aıta ketý kerek. Bul rette QR ІІM kóktemgi dala jumystaryn júrgizýdiń mańyzyn barlyq jergilikti polıtsııa qurylymdaryna jetkizdi. Endi ákimder jergilikti jerlerde áreket etý i kerek jáne shuǵyl shtabpen baılanysta bolýy qajet. Qıynshylyq týsa sol shtab arqyly óte almaı jatqan fermerlerdiń máselesin sheshýge bolady», - deıdi QR Aýyl sharýashylyǵynyń birinshi vıtse-mınıstri Aıdarbek Saparov.
Onyń aıtýynsha, Aýyl sharýashylyǵy mınıstri elimizdiń Premer-Mınıstriniń tapsyrmasy boıynsha Aqmola jáne Qaraǵandy oblystary blokposttarynyń jumysyn tekserdi.
«Fermerler blokposttan kedergisiz ótýde. Blokpostta túsinbeýshilik oryn alýy múmkin. Ol boıynsha biz jedel túrde jumys isteımiz. Kómektesip, máseleni sheshemiz. Negizi qaǵaz júzindegi jáne elektrondy ruqsatpen de júrýge bolady», - deıdi ol.