Fermerdi qyzymen birge óltirgen kúdikti ustaldy
ASTANA. QazAqparat - Jambyl oblysynda sharýa qojalyǵynyń basshysyn jáne onyń qyzyn óltirgen kúdikti ustaldy. Bul týraly QR ІІM Memlekettik til jáne aqparat departamentiniń dırektory Almas Sadýbaev aıtty, dep habarlaıdy QazAqparat tilshisi.
«Jambyl oblystyq Іshki ister departamentiniń qyzmetkerleri 14 tamyz kúni Shý aýdanynda sharýa qojalyǵynyń basshysy men onyń qyzyn paıdakúnemdikpen óltirgen kúdiktini izin sýytpaı ustady», - dedi Almas Sadýbaev.
Departament basshysynyń sózine qaraǵanda, kúdiktiden mototsıkl, noýtbýk, uıaly telefon jáne aqsha tárkilendi. Atalǵan fakti boıynsha sotqa deıingi tergeý amaldary júrgizilip jatyr.
