Ferǵanada qazaq-ózbek mádenı-bilim berý ortalyǵy ashyldy

FERǴANA. QazAqparat – Ózbekstandaǵy Ferǵana memlekettik ýnıversıtetinde alǵashqy qazaq-ózbek mádenı-bilim berý ortalyǵy ashyldy, dep habarlaıdy QazAqparat.

Ortalyqtyń ashylýyna Nur-Sultan qalasyndaǵy L.Gýmılev atyndaǵy Eýrazııa ulttyq ýnıversıtetiniń ókilderi qatysty. Halyqaralyq baılanystar jáne ınnovatsııalar jónindegi prorektor Aqbota Joldasbekova ınternatsıonaldandyrý jáne Ortalyq Azııa JOO-larynyń óńirlik yntymaqtastyǵynyń keleshegi týraly ózekti máselelerdi qozǵady.

Al Ferǵana memlekettik ýnıversıtetiniń rektory Álisher Haıtbaev Ózbekstanda tuńǵysh ashylǵan ortalyq Qazaqstannyń ǵylym-bilim salasymen ózara árekettestikti keńeıtý jáne baýyrlastyq ózara qarym-qatynasty qoldaý úshin mańyzdy ról atqaratynyn atap ótti.

Aıta keteıik, EUÝ osyǵan uqsas mádenı-bilim berý ortalyqtaryn buǵan deıin Iran, Túrkııa, Qytaı, Belarýs jáne Pákistanda ashqan bolatyn. Ondaǵy negizgi maqsat – shetelde qazaq tili men mádenıetin nasıhattaý, sondaı-aq ózge el pedagogtary men stýdentterin Eýrazııa ulttyq ýnıversıtetine shaqyrý.