Fenıks pen Qaratorǵaı: Gýnn Lınn men Dımashtyń oryndaýyndaǵy mádenıetter toǵysy
ASTANA. KAZINFORM – Keshe Qytaıdyń BRTV telearnasynda Dımash Qudaıbergen men qytaılyq ánshi Gýnn Lınnyń qatysýymen «最美中轴线 Singing for the Central Axis of Beijing» jobasy jaryq kórdi. Bul jaıynda Kazinform agenttigi dimashnews.com saıtyna silteme jasap habarlaıdy.
Baǵdarlama 2024 jyldyń sońynda jazylyp, ártister Beıjińdegi Jer hramynda jáne Beıjiń Chjenıchı opera teatrynda boldy.
Dımash pen Gýnn Lınn ózderiniń mádenıetaralyq saıahattarynyń sońynda biregeı vokaldyq eksperıment usynyp, qytaı jáne qazaq tilderindegi «Fenıks» jáne «Qaratorǵaı» ánderin biriktirdi.
Qazaqtyń dástúrli aspaby qobyz ben qytaıdyń úrmeli shen aspabynyń súıemeldeýimen tangý barabandarynyń yrǵaqty úni aıasynda ártister óz elderiniń ańyzǵa aınalǵan tarıhyn áýen arqyly jetkizdi.
Gýnn Lınn repertýaryndaǵy ejelgi qytaı mátini negizinde jazylǵan «Phoenix» áni ımperator Fenıkstiń ómirin baıandaıdy. Al qazaqtyń «Qaratorǵaı» áni tikeleı aýdarǵanda «qara torǵaı» degen maǵynany bildiredi.
«Qaratorǵaı» ániniń avtory — Aqan seri. Ol balapan kezinde baqqan búrkitine «Qaratorǵaı» dep at qoıǵan.