Fenıks» bıýdjetiniń 1,5 mln teńgeden astamy Jamanqulov balalarynyń jeke júrgizýshisine jalaqyǵa tólengen
ALMATY. QazAqparat - «Fenıks» kınosyn túsirýge arnalǵan aqshany rejısser Tuńǵyshbaı Jamanqulov jeke júrgizýshisine tólegen, ol balalardy mektepke, sport sektsııalaryna tasyǵan.
Bul týraly kýáger Azamat Dúısembaev aıtty.
«Maǵan Nýrık atty tanysym habarlasyp, meni júrgizýshi etip ornalastyra alatynyn aıtty. Sosyn men Natalıa ıÝdınaǵa (atqarýshy prodıýser) qońyraý shaldym. Ol Tuńǵyshbaı Jamanqulovtyń nómirin berdi. Men Jamanqulovpen sóılesip, 2014 jylǵy mamyrda jumysqa qabyldandym. Óz kóligimmen Jamanqulovtyń balalaryn tasydym», - dedi ol.
Aı saıyn onyń kartochkasyna150 myń teńge jalaqy túsip turǵan. «Fenıks» kınosy qaıda túsirilgenin bilmeımin. Ara-arasynda býhgalterdi bankke aparyp otyrdym», - dep atap ótti kýáger.
Basqasha aıtqanda, júrgizýshi kıno túsirilimi kezinde óz mindetterin oryndamaǵan.
Óz kezeginde, kýáger Álıma Muhametqalıeva kıno rejısseri Talǵat Jánibekovke páterin 115 myń teńgege jalǵa bergenin aıtty. Páter birneshe aıǵa jalǵa berilgen, biraq zańdy derekter bekitilgen joq.
Tergeý derekterine sáıkes shyǵyn smetasynda «Fenıks» kınosyn túsirgen ýaqytta páter jaldaý shyǵystary kózdelmegen. Jánibekov turǵyn úı jaldaýǵa jalǵan qujattar resimdegen. Osylaısha, 1,2 mln teńge jymqyrǵan.
