«Fenerbahche» juldyzy musylmandyq ortany qolaı kóredi
ASTANA. 4 sáýir. QazAqparat - «Fenerbahche» fýtbol klýbynyń juldyzy Mýssa Sov Túrkııada ózin jaıly sezinip júr, ári óziniń súıikti komandasynan ketýdi qalamaıdy eken. Bul jaıynda Zaman.com saıtyna silteme jasap, muslim.kz habar taratty.
Tegi senegaldyq, jıyrma jastaǵy musylman Túrkııanyń ımannyń jetilýine qolaıly jáne janǵa jaıly el ekendigin aıtyp otyr. Mýssa týyp-ósken jeri - Frantsııadan mundaı «jeruıyqty» kezdestirmegenin aıtady.Ulttyq jáne dinı sebepterge baılanysty túıtkildermen jıi ushyrasatyn Frantsııadan góri oǵan Túrkııa áldeqaıda jaǵypty.
«Sońǵy ýaqytta oǵan Eýropanyń aldyńǵy qatarly klýbtary qolqa salýda. Alaıda, Mýssa óziniń súıikti komandasynan aıyrylǵysy joq. Ony aqsha emes, jaıly orta kóp qyzyqtyrady», - dep jazady saıt.
