FEMEN qatysýshysy ólim jazasyna tartylýy múmkin
ASTANA. 24 naýryz. QazAqparat - Týnıste FEMEN qozǵalysyna atysýshy qyzdarǵa qarsy soǵys jarııalandy, al olardyń bireýi tipti ólim jazasyna tartyldy. Áleýmettik jelide jarııalanǵan toples fotosýretteri ıslam dindarlarynyń ashýyna tıdi, dep habarlaıdy Ýtro.rý.
Sýretterde jartylaı jalańash qyzdar óz denelerine arabsha «Meniń denem tek meniń ózime ǵana tıesili. Ol eshkimniń aryna tııýge tıisti emes» degen sııaqty jazýlar jazyp shyqqan. Buǵan qosa keıbir fotosýretterge qoldaryna shylym ustap túsken. Islamnyń dinı kóshbasshysy olardyń biri - 19 jasar Ámınany zańnan tys dep jarııalap, sabaý jáne taspen urý túrinde jazaǵa tartýǵa pármen berdi.
Qozǵalysqa qatysýshylar ıslam dindarlarynyń yzasyna birinshi ret tıip otyrǵan joq. Ótken jyldyń jeltoqsanynyń sońynda Rafık Harırı atyndaǵy lıvan halyqaralyq áýejaıynda temeki shegýge tyıym salýǵa narazylyq belgisi retinde Ýkraına azamatshasy kıimin sheship tastaǵan. Tártip buzýshy sol boıda ustalǵan bolatyn.
