Felıks Shtamm týrnıri: Boksshylarymyzdyń qatary seldirep qaldy
ASTANA. 26 sáýir. QazAqparat - Varshavada Felıks Shtamm júldesi úshin bokstan iri halyqaralyq týrnırde baqtaryn synap jatqan boksshylarymyzdyń qatary azaıdy.
Biri jeńiske jetip jelpinse, endi biri jeńilistiń kermek dámin tatty. ıAǵnı, myqtylar irikteýden irkilmeı ótip, jartylaı fınalǵa qadam basty. Bizdiń órenderdiń úsheýi jarysty erte aıaqtaýǵa májbúr boldy, dep jazady «Alaman».
Oıyn nátıjeleri:
52 keli: Azat Mahmetov túrkııalyq Erdaldy 12:5 esebimen utyp, jartylaı fınalǵa shyqty. Endigi qarsylasy tym myqty. Іlııas Súleımenovti Olımpıadada joldan yǵystyrǵan aǵylshyn Endrıý Selbı. Kimniń myqty ekendigi erteń málim bolmaq.
60 keli: Jaılaýov - jartylaı fınalda. Túrik boksshysy Ǵanıǵa esh qaýqar kórsete alǵan joq. Esep - 13:8. Biz boljaǵandaı, bizdiń órenniń kelesi qarsylasy brazılııalyq Robson Konseısao.
69 keli: Meıirim Nursultanov moldovan Vasıa Beloýsty 15:8 esebimen Kıshınevke qaıtardy. Jartylaı fınalda Meıirimdi frantsýz Sýleımanı kútip tur.
81 keli: Ókinishke qaraı, sengen serkemiz Almat Serimov úmitti aqtaǵan joq. Shırek fınalda túrik Býrak Aksınnyń aldynda dármensizdik tanytty. Esep 11:8
91 keli: Alekseı Sevostıanovtyń birden jartylaı fınalǵa ótkeninen bilesizder. Onyń qarsylasy brazılııalyq Nogıera.
+ 91 keli: Áttegen-aıy, Oljas ta Varshavadan oljasyz qaıtatyn boldy. Buqaevtyń múıizin «syndyrǵan» nemis Shýlts.
51 keli: Biz kútkendeı, Jaına Shekerbekova jartylaı fınalǵa emin-erkin ótti. Mońǵolııalyq Mıagmar Dýlandy 15:11 esebimen tópep tastady. Onyń endigi qarsylasy sharshy alań qojaıyny Sandra Drabık.
60 keli: Kabota Dýlatova da unjyrǵamyzdy túsirdi. Sharshy alań qojaıyny Sandra Krýk otandasymyzdy 19:13 esebimen jeńdi.
75 keli: Ázirge, Marınanyń qarqyny qatty. Alǵashynda germanııalyq Shtrohmaıerdi 15:7 esebimen utsa, shırek fınalda nıderlandııalyq Fontjındi súrindirip, jartylaı fınal máselesin sheshti. Volnovanyń kelesi qarsylasy osal emes. Kanadalyq álem chempıony Merı Spenser myqty ma, Marına myqty ma? Jaýabyn búgin biletin bolamyz.
