Feldsher qazasy: Úı aqaýlaryn kózben sholyp anyqtaýǵa bola ma
ASTANA. KAZINFORM – Uldana Myrzýannyń ólimine qatysty sot otyrysynda sarapshy Baýyrjan Qazıev úıdiń qaptama kirpishiniń qulaýyna ne sebep bolǵanyn aıtty.
B. Qazıevtiń aıtýynsha, qıraýǵa syrtqy kópqabatty kirpish qabyrǵany turǵyzý kezinde jiberilgen konstrýktıvtik aqaýlar men tehnologııalyq talaptardyń buzylýy sebep bolǵan.
– Bul bir ǵana sebepten bolǵan jaǵdaı emes. Negizgi sebepterdiń qatarynda jobada kózdelgen armatýralyq beldeýlerdiń bolmaýy, armatýralyq torlardyń bolmaýy nemese talapqa saı ornatylmaýy, qaptama qabatynyń baılanysy men ankerlenýiniń buzylýy bar. Qalanǵan jikterdiń sapasyz eritindimen toltyrylýy jáne jikterdiń bos qalýy, jaryqshaqtardyń ashylýy, qabyrǵa qabattarynyń arasyndaǵy sańylaýlar, sondaı-aq qaptama qabatyna túsetin júktemeni durys bólmeý men deformatsııalyq jikteýdiń bolmaýy da áser etken, – dedi sarapshy.
Onyń aıtýynsha, qulaýdyń tikeleı mehanızmi – qaptama qabaty men negizgi kótergish qabattyń birlesip jumys isteý qabiletin joǵaltýy.
– ıAǵnı qaptama qabaty joǵaryda ornalasqan qatarlardyń óz salmaǵyn kúshti jetkilikti deńgeıde qaıta bólmeı jáne negizgi qabyrǵamen berik baılanyssyz qabyldaǵan.
Jaryqshaqtardyń ulǵaıýy, deformatsııalar men sańylaýlardyń paıda bolýy, qabyrǵanyń ylǵaldanýy jáne qatýy uzaq ýaqyt boıy jalǵasyp, nátıjesinde qalaý birtindep álsiredi. Sonyń saldarynan onyń jekelegen bólikteri turaqtylyǵyn joǵaltyp, qulady, – dep túsindirdi Baýyrjan Qazıev.
Onyń aıtýynsha, qıraýdyń tikeleı sebebi – qaptama qabaty men negizgi kótergish qabyrǵanyń birtutas konstrýktsııa retinde jumys isteý qabiletin joǵaltýy.
– ıAǵnı qaptama qabaty joǵarydaǵy kirpish qatarlarynyń salmaǵyn negizgi qabyrǵamen jetkilikti deńgeıde baılanyspaı jáne túsetin salmaqty durys bólmeı kótergen. Ýaqyt óte kele paıda bolǵan jaryqshaqtar, deformatsııalar men sańylaýlar, sondaı-aq qabyrǵanyń ylǵaldanýy men qatýy qalaý beriktigin odan ári álsiretken. Sonyń saldarynan qabyrǵanyń jekelegen bóligi ornyqtylyǵyn joǵaltyp, qulaǵan, – dep túsindirdi Baýyrjan Qazıev.
Sarapshynyń aıtýynsha, qurylymnyń buzylý protsesi birden emes, uzaq ýaqyt boıy júrgen. Aldymen jaryqshaqtar paıda bolǵan, keıin qalanǵan qabattar buzylyp, sańylaýlar men deformatsııalar paıda bolǵan. Qabyrǵanyń ylǵaldanýy men qatýy da konstrýktsııanyń birtindep álsireýine áser etken.
Baýyrjan Qazıev bul aqaýlardyń barlyǵyn tek kózben sholyp anyqtaý múmkin bolmaǵanyn atap ótti. Onyń aıtýynsha, muny anyqtaý úshin aspaptyq-tehnıkalyq zertteý, geodezııalyq ólsheýler jáne tekserý esepteri qajet bolǵan.
– Munyń bárin tek kózben qarap anyqtaý múmkin emes. 2017 jyly jaryqshaqtar tirkelgen, bul protsestiń uzaq ýaqyt boıy júrgenin kórsetedi. Ádette jaryqshaqtar birden baıqalmaıdy, olar birtindep paıda bolady. Ylǵaldyń áseri, syrtqy faktorlar konstrýktsııaǵa áser etip, qalaý beriktiginiń tómendeýine ákeledi, – dep túsindirdi sarapshy.
Buǵan deıin aıyptalýshy, Múlik ıeleri birlestiginiń tóraǵasy bolǵan S. Jubanııazova úıdi qandaı jaǵdaıda qabyldap alǵanyn aıtqan edi.
Sondaı-aq, qasbeti qulaǵan úıde jańa jaryqshaqtar paıda bolǵan.
