Feldsher Kólsaıda muz astyna túsip ketken ıtti qutqaryp qaldy
ALMATY. QazAqparat- Kólsaı kólinde er adam muzdaı sýǵa sekirip, batyp bara jatqan ıtti qutqaryp qaldy, dep habarlaıdy QazAqparat tilshisi.
Oqıǵa senbi, 2 sáýir kúni bolldy.
Sol kúnniń qaharmany Ýálıhan Beısabaev. Ol - Qaraǵandy qalasynda feldsher bolyp jumys isteıdi. Kólsaıǵa áıelimen jáne dostarymen demalýǵa kelgen.
«Biz ıttiń muzdyń ústinde júrgenin kórdik, keıin ol muz astyna qulap ketti. Biz bárimiz jaǵada ýaıymdap, qarap turdyq. Keıin onyń óz betinshe shyǵa almaıtynyn túsindik. Men ózim feldshermin, adamdarǵa kómektesemin, sondyqtan men qol qýsyryp qarap tura almadym. Birden sýǵa sekirdim. It jaǵadan alystaý jerde boldy. Men qaıtyp kele jatqanda sharshap, álsiredim. Dostarym úlken taıaqtyń kómegimen meni muzdy sýdan jaǵaǵa shyǵardy. Men sýdyń sýyqtyǵyn ıtti qutqarǵanan keıin ǵana sezdim. Sosyn aıaǵym tartyldy, biraq qorqynysh bolǵan joq», - deıdi Ýálıhan Beısabaev.
Aıtýynsha, sol kúni dene qyzýy kóterilgen, qazir jaǵdaıy jaqsy.
«Meniń mamandyǵym, mindetim adamdardy qutqarý, osy joly ıtti qutqardym. Óıtkeni, tiri jan», – deıdi ol.
