Fedor Emelıanenko qazaq sportynyń qara shańyraǵyna qonaqqa keldi
ASTANA. KAZINFORM – Búgin Qazaqtyń sport jáne týrızm Akademııasynda aty ańyzǵa aınalǵan MMA aralas jekpe-jeginiń jáne Sambo men Dzıýdo sport túrleriniń has sheberi Fedor Emelıanenko men QR Májilis depýtaty, «ALASH PRIDE FC» kompanııasynyń negizin qalaýshy Danııar Qasqaraýov stýdenttermen sporttyq-patrıottyq baǵytta kezdesý ótkizdi.
Atalǵan oqý oryny atap ótkendeı, akademııa rektory Baýyrjan Qaıratuly men prorektor Muhtar Esqalıev bastaǵan oqý ordasynyń ujymy bul berekeli basqosýdy, óte joǵary deńgeıde uıymdastyrdy. Kezdesý barysynda sport taqyrybynda stýdentter men spıkerlar arasynda ózara suraqtar qoılyp, jaýaptar berildi.
Jas sportshy mamandar óz taraptarynan alǵystaryn aıtyp, qoltańba alyp, estelik sýretke tústi.
Akademııa rektory «Ańyz Adam» Fedor Emelıanenko-ǵa «Qurmetti professor» ataǵyn saltanatty túrde tabys etti.
«Bilimdiligi men eńbekqorlyǵy, óte qarapaıymdylyǵy men sabyrlyǵy barsha jıylǵan jurtty tamsandyrdy. Osyndaı sporttyq-patrıottyq baǵytta keıingi býyn jastarymyzben aýqymdy jumys jasaý kerekpiz», - dedi óz sózinde Danııar Aldabergenuly, uıymdastyrýshylarǵa alǵys aıta kele.
Osyǵan deıin Tanymal jekpe-jek sheberi Fedor Emelıanenko Qazaqstanǵa keletinin jazǵan bolatynbyz.
