Federer tennıs tarıhynda 1000 ret jeńiske jetken úshinshi sportshy atandy
ASTANA. QazAqparat - Shveıtsarııalyq Rodjer Federer Avstralııadaǵy Brısbende ótip jatqan týrnırdiń fınalynda kanadalyq Mılosh Raonıchti jeńip, tennıs tarıhynda kásibı tennısshiler qaýymdastyǵynyń álemdik týrynda 1000 ret jeńiske jetken úshinshi sportshy atandy.
Bul týraly uıymnyń resmı saıty habarlady.
Fınaldyq match R. Federerdiń jeńisimen (6:4, 6:7, 6:4) aıaqtaldy. Tennısshilerdiń kezdesýi 2 saǵat 13 mınýtqa sozyldy.
Eske sala ketsek, budan buryn álemdik týrdaǵy 1000 jeńis amerıkandyq Djımmı Konnors (1337 matchta basym túsken) pen Ivan Lendldiń (1071) enshisinde bolatyn. Búgingi tańda olar ózderiniń kásibı sporttyq jolyn aıaqtaǵan.
