Federer golfshy Výdsty artqa tastap, eń kóp tabysqa kenelgen sportshy atandy
ASTANA. QazAqparat - Shveıtsarııalyq tennısshi Rodjer Federer Londonda ótken kásibı tennısshiler qaýymdastyǵy chempıonatynyń toptyq qorytyndy kezeńinde nemis sportshysy Aleksandr Zverevti 7:6 (8:6), 5:7, 6:1 esebimen jeńgennen keıin amerıkalyq golfshy Taıger Výdstan ozyp, óz karerasynda eń kóp tabysqa kenelgen sportshy atandy.
Federerdiń enshisinde 110 235 682 dollar bar, dep habarlaıdy Forbes. Al Výdstyń tabysy - 110 061 012 dollar.
Federer 1998 jyldan beri týrǵa qatysyp keledi. Osy ýaqyt aralyǵynda ol 19 «Úlken dýlyǵa» jarystaryn qosqanda, 95 týrnırde jeńiske jetken. Sondaı-aq, Rodjer 2017 jyly Avstralııa ashyq chempıonaty men Ýımbldon chempıonatynda da jarqyraı kórindi.
