Federaldyq tergeý bıýrosy Bostondaǵy lańkestikke kúdiktilerdiń fotosýretterin jarııa etti
ASTANA. 19 sáýir. QazAqparat - AQSh-tyń Federaldyq tergeý bıýrosy Bostondaǵy jarylystarǵa kúdikti retinde eki adamnyń sýretin qarastyrýda jáne azamattardan olardyń tulǵasyn anyqtaýǵa qolǵabys etýdi surap otyr.
«Bul adamdardy bireý-mireý bilýi tıis», - deıdi FTB ókili Rıchard Delore (Richard DesLauriers). Ol atalmysh er adamdardyń tulǵasyn anyqtaý basty mindet bolyp tabylatynyn atap ótti. Kúdiktiler jaqsy qarýlanǵan jáne asa qaýipti bolýy múmkin. Tergeýshilerdiń baılamynsha, er adamdar jarylǵysh qurylǵylardy ózderiniń arqa qorjyndarynda alyp kelgen. FTB fotosýretter men beınejazba jarııa etilgennen keıingi birneshe saǵattan soń halyqtan birinshi únqatýlar túse bastaıtynyna úmitti.
Eske sala keteıik, 15 sáýir kúni Boston marafonynyń máre syzyǵynda oryn alǵan eki jarylystyń saldarynan 15 adam kóz jumdy. Onyń ishinde 8 jastaǵy bala da bar. 180 adam japa shekti. Qazaqstannyń SІM aqparatyna sáıkes, Bostondaǵy qaıǵyly oqıǵadan qaza bolǵandar men jaraqattanǵandar arasynda memleketimizdiń azamattary joq.
