Federaldyq kóshi-qon qyzmeti 2016 jyldan bastap tólqujat berýdi toqtatýdy usynady
ASTANA. 3 qarasha. QazAqparat - Reseıdiń Federaldyq kóshi-qon qyzmeti qaǵaz qujattan ámbebap elektrondy kartaǵa kóshýdi tezdetip, reseılik azamattarǵa 2016 jyldan bastap ishki tólqujat berýdi toqtatýdy usynady. RBK agenttiginiń habarlaýynsha, bul týraly normatıvtik aktilerdi ázirleý aqparattary biryńǵaı portalynda málim etilgen.
Birneshe ilki aımaqtarda jeke aqparaty, fotosýreti túzilgen elektrondyq kartany 10 jylǵa berý 2015 jyldan bastap bastalady dep josparlanýda. Ámbebap elektrondyq karta alǵashqy kezekte taratylatyn óńirler ázirge anyqtalǵan joq.
Budan buryn qaǵaz ishki tólqujatty toqtatý kezeńi 2025 jylǵa deıin sozylady dep kózdelgen bolatyn. 2016 jyldan bastap buryn berilgen tólqujattar olarda kórsetilgen merzimge deıin zańdy kúshin saqtaıdy, biraq ta jeke basty kýálandyratyn negizgi kýálik elektrondy kartalar bolmaq.
2019 jylǵa deıin reseılikter 14 jylǵa deıin qalaýy boıynsha elektrondy karta ala alady. Budan keıin olardyń jáne basqa da barlyq azamattardyń ámbebap elektrondy karta alýy mindetteledi.
