Federaldy tergeý bıýrosy fentanıl prekýrsorlaryn tárkileý operatsııasyn júrgizedi

ASTANA. KAZINFORM — «Box Cutter» operatsııasynyń nátıjesinde fentanıl prekýrsorlaryn óndirgen 22 qytaılyq jeke tulǵa men kompanııaǵa aıyp taǵyldy, dep habarlaıdy FOX News.

«Box Cutter» dep atalatyn operatsııanyń nátıjesinde «70 mıllıon amerıkalyqty qurtýǵa jetkilikti fentanıl untaǵy jáne taǵy 270 000 adamdy óltirýge jetkilikti fentanıl tabletkalary tárkilendi, — dedi AQSh Ortalyq tergeý basqarmasynyń dırektory Kesh Patel.

Sonymen qatar baspasóz habarlamasynda tergeý Ogaıo shtatynyń Deıton qalasynda bastalyp, keıin Qytaı Halyq Respýblıkasyna deıin taralǵany aıtylǵan. Onda hımııalyq kompanııalar fentanıl, kokaın jáne geroındi aralastyryp, óndirýge qoldanylatyn qaýipti prekýrsorlardy ashyq jarnamalap, satqan.

FTB málimetinshe, aıyp taǵylǵan tórt qytaılyq kompanııa: Guangzhou Tengyue Chemical Company, Ltd., Guanghzou Wanjiang Biotechnology Co., Ltd., Hebei Hongjun New Material Technology Co., Ltd. jáne Hebei Feilaimi Technology Co., Ltd.

Ogaıo shtatynyń Tıpp-Sıtı turǵyny Erık Peın qytaılyq kompanııalardan «eritkishterdi» satyp alyp, olardy dılerlerge taratqan dep aıyptaldy. Onyń súıiktisi Aýrıon Tresean Reıford osy kompanııalarǵa krıptovalıýta aýdarǵan degen boljam bar.

Buǵan deıin AQSh-tyń venesýelalyq esirtki karteliniń Tren de Aragýa uıymynyń 11 múshesin joıǵany habarlanǵan bolatyn.