Federatsııa kýbogy: Zarına Dııas Qazaqstandy alǵa shyǵardy
ASTANA. QazAqparat - Ulttyq tennıs ortalyǵynda Federatsııa kýbogy ekinshi álemdik tobynyń pleı-off kezeńine shyǵý úshin qazaqstandyqtar Taılandpen alǵashqy matchty sátti bastady, dep habarlaıdy QazAqparat tilshisi.
Qazaqstannyń ekinshi, álemniń 96-raketkasy Zarına Dııas bastapqy kezdesýin taılandtyq Mananchaıa Savangkaevpen ótkizdi.
Birinshi sette Zarına qarsylasyn bet qaratpaı, aıqyn basymdylyq kórsetti - 6:1.
Ekinshi partııada da qazaqstandyq tennısshi onsha qınalǵan joq. Esep 5:2 bolyp turǵan mezette dop bergen Z.Dııas taılandtyq tennısshige breık jasaýyna múmkindik berip qoıdy. Esesine kelesi geımde ózi breıkke qol jetkizip, matchty aıaqtady - 6:3.
Kezdesý 1 saǵat 7 mınýtqa sozyldy.
Osylaısha Qazaqstan 1:0 esebimen alǵa shyqty.
Qazaqstan - Taıland matchynyń ekinshi básekesinde elimizdiń birinshi, álemniń 43-raketkasy ıÝlııa Pýtıntseva reıtıngte 712-satyda turǵan Nýdnıda Lýangnammen kortqa shyǵady.
Eske sala keteıik, budan buryn Qazaqstannyń Federatsııa kýbogy jolyndaǵy basty qarsylastary kimder ekenin jáne Zarına Dııastyń josparymen bóliskenin jazǵan bolatynbyz.
