Federatsııa kýbogy: Ulybrıtanııa - Qazaqstan matchyn Zarına Dııas bastaıdy
NUR-SULTAN. QazAqparat - 20-21 sáýir kúnderi Londonda Federatsııa kýbogy ІІ Álemdik tobynyń pleı-off kezeńinde Ulybrıtanııa men Qazaqstan komandalary kezdesedi, dep habarlaıdy QazAqparat tilshisi.
Match búgin Zarına Dııas pen Iohanna Kontanyń básekesimen ashylady. Álemniń 46-raketkasy I.Kontany Ulybrıtanııa quramasynyń beldi tennısshisi deýge bolady. Dúnıejúzilik reıtıngte 107-satyda turǵan Z.Dııastyń da baryn salary sózsiz. Sodan keıin Qazaqstannyń birinshi, álemniń 38-raketkasy ıÝlııa Pýtıntseva reıtıngte 86-oryndaǵy Keıtı Býltermen kortqa shyǵady.
Ekinshi kúni ıÝ.Pýtıntseva men I.Konta, Z.Dııas pen K.Býlter sheberlik baıqasady. Juptyq synda Galına Voskoboeva men Anna Danılına ulybrıtanııalyqtar Hezer Ýotson men Herrıet Dartpen kezdesedi. Qazaqstan quramasynyń kapıtany Dıas Dosqaraev qyzdardyń tolyqtaı daıyn ekendigin, jeńis úshin aıanbaıtyndyǵyn jetkizdi.
Eske sala keteıik, budan buryn Zarına Dııastyń el namysyn qorǵaýdy baqyt sanaıtynyn jazǵan bolatynbyz. Al erler arasynda Aleksandr Býblık Meksıkadaǵy týrnırdiń shırek fınalyna shyǵa almaı qaldy.
