Federatsııa kýbogy: Qazaqstan - Taıland matchynda Pýtıntseva esepti eseledi
ASTANA. QazAqparat - Ulttyq tennıs ortalyǵynda Federatsııa kýbogy úshin ótip jatqan Qazaqstan - Taıland matchynda ıÝlııa Pýtıntseva Nýdnıda Lýangnammen sheberlik baıqasty, dep habarlaıdy QazAqparat tilshisi.
Qazaqstandyq tennısshi álemdik reıtıngte 43-orynda tursa, onyń qarsylasy nebári 712-satyda edi.
ıÝ.Pýtıntseva birinshi partııada 6:2 esebimen jeńiske jetti.
Ekinshi partııa tartystyraq órbip, N.Lýangnam da tyrysyp baqty. Degenmen esep 4:3 bolǵan mezette qazaqstandyq sportshy breık jasaı bildi. Sodan keıin óz geımin de jibergen joq - 6:3.
Báseke 1 saǵat 19 mınýtqa sozyldy.
Osylaısha ıÝ.Pýtıntseva Qazaqstan - Taıland matchynda esepti 2:0-ge jetkizip, komandasyna merziminen buryn jeńis alyp berdi. Juptyq kezdesý josparlanǵanymen, ol eshteńeni sheshpeıdi. Qazaqstan "A" tobynda birinshi orynǵa shyqty. Endi juma kúni qazaqstandyqtar Úndistan quramasymen kúsh synasady.
Eger fınalǵa ótken jaǵdaıda Qazaqstannyń basty qarsylasy Qytaı bolatyny anyq. Qytaılyqtar da birinshi matchynda Papýa-Jańa Gvıneıany tize búktirdi.
Eske sala keteıik, budan buryn qazaqstandyqtardyń basty qarsylastary kimder ekenin, Zarına Dııastyń óz josparymen bóliskenin, búgin onyń Qazaqstandy alǵa shyǵarǵanyn jazǵan bolatynbyz.
