Federatsııa kýbogy: Qazaqstan - Qytaı matchynda esep teńesti
ASTANA. QazAqparat – Astanada Federatsııa kýbogy úshin irikteý kezeńiniń fınalynda Qazaqstannyń birinshi, álemniń 43-raketkasy ıÝlııa Pýtıntseva qytaılyq Chjan Shýaımen kezdesti, dep habarlaıdy QazAqparat tilshisi.
Dúnıejúzilik reıtıngte 40-satyda turǵan Chjan Shýaı bıyl otyzǵa tolsa, ıÝlııa Pýtıntseva 24-te. Ekeýiniń tájirıbesi jeterlik, talaıdy kórgen tennısshiler.
Birinshi partııany qazaqstandyq tennısshi birden breıkpen bastap, óz geımin de aldy – 2:0. Budan keıin qytaılyq sportshy breık jasap, tarazy basyn teńestirdi – 2:2. ıÝ.Pýtıntseva kóńil-kúı aýanyna berilip, qatelikke boı aldyrdy. Tórt geımdi qatarynan utqan Ch.Shýaı esepti 4:2-ge jetkizdi. Tek sodan soń ǵana ıÝlııa esepti qysqartqanymen, ózi dop bergende, ese jiberip qoıdy – 3:5. Sóıtip bul sette qytaılyq sportshy 6:3 esebimen jeńiske jetti.
Ekinshi partııany Pýtıntseva breıkpen bastap, 3:0 esebimen alǵa ketti. Esep 1:4 bolǵanda, Shýaı breık jasaǵanymen, bul setti Pýtıntseva jibermedi - 6:3.
Úshinshi, sheshýshi sette breıkpen Shýaı alǵa ketti - 2:0. Degenmen qazaqstandyq tennısshi qaıyra breık jasap, sosyn esepti teńestirdi - 2:2. Jetinshi geımde ıÝlııa breık jasap, alǵa shyqty - 4:3. Qytaılyq ta qalyspady - 4:4. Aqyry ol 6:4 esebimen jeńiske jetti.
Osylaısha Qazaqstan - Qytaı matchynda esep teńesti - 1:1. Endi bar másele juptyq kezdesýde sheshiledi.
Eske sala keteıik, Astanada ótip jatqan Federatsııa kýbogy úshin irikteý kezeńinde Qazaqstan – Úndistan matchyn Zarına Dııas jeńispen bastap, ıÝlııa Pýtıntseva jalǵastyrdy. Sondaı-aq Galına Voskoboeva men Anna Danılına juptyq kezdesýde utty, al erler arasynda Aleksandr Býblık Býdapesht týrnıriniń jartylaı fınalyna shyqty. Búgin Zarına Dııas qarsylasyn tize búktirdi.
