Federatsııa kýbogy: Qazaqstan quramasy Ulybrıtanııadan jeńilip qaldy
NUR-SULTAN. QazAqparat - Federatsııa kýbogy ІІ Álemdik tobynyń pleı-off kezeńinde Londondaǵy Ulybrıtanııa men Qazaqstan matchynda Zarına Dııas pen Keıtı Býlter kezdesti, dep habarlaıdy QazAqparat tilshisi.
Dúnıejúzilik reıtıngte qazaqstandyq tennısshi 107-orynda bolsa, 22 jasar qarsylasy 86-satyda edi. Degenmen 25 jasar Zarınanyń tájirıbesi moldaý-dy.
Birinshi partııa barysynda Býlter eki márte breık jasap, alǵa shyqty. Áıtse de qazaqstandyq sportshy tarazy basyn teńestire aldy. Sosyn set taı-breıkke ulasty. Munda Zarına qarsylasyn bet qaratqan joq - 7:1.
Ekinshi sette Zarına dop bergende, qarsylasy qos birdeı breık-poıntty paıdalana almady. Esesine qazaqstandyq tennısshi sondaı múmkindigin múlt jibermedi - 2:1. Alaıda Býlter esepti qaıta teńestirdi - 2:2. Ol 5:4 bolǵanda, breık jasap ketti - 6:4.
Úshinshi, sheshýshi partııada ulybrıtanııalyq tennısshi 6:1 esebimen jeńiske jetti.
Tartysty báseke 2 saǵattan astam ýaqytqa sozyldy.
Osylaısha bul matchta Ulybrıtanııa 3:1 esebimen utyp, toptyq básekege joldama aldy. Endi juptyq kezdesý eshteńeni sheshpeıdi.
Eske sala keteıik, budan buryn Zarına Dııastyń el namysyn qorǵaýdy baqyt sanaıtynyn jáne Ulybrıtanııa - Qazaqstan matchyn bastaıtynyn jáne kort ıeleriniń alǵa shyqqanyn, sodan keıin ıÝ.Pýtıntsevanyń tarazy basyn teńestirgenin jazǵan bolatynbyz.
Alaıda búgin ulybrıtanııalyqtar qaıta alǵa shyqty.
