Federatsııa kýbogy: Qazaqstan quramasy Belgııadan utylyp qaldy
NUR-SULTAN. QazAqparat - Kortreıkte tennısten Federatsııa kýbogynyń irikteý kezeńinde Qazaqstan quramasy Belgııadan utylyp qaldy, dep habarlaıdy QazAqparat tilshisi.
Bul joly áleminiń 63-raketkasy Zarına Dııas reıtıngte 81-orynda turǵan Kırsten Flıpkenspen synǵa tústi.
Negizi Zarına Isalın Bonavantıýrmen oınaýy kerek edi. Degenmen Belgııa quramasy ony aýystyryp, juptyq básekede kortqa shyǵýy tıis K.Flıpkensti qosty. Bul taktıka óz jemisin berdi. Belgııalyq sportshy 6:3, 6:4 esebimen jeńiske jetti.
Osylaısha belgııalyqtar 3:1 esebimen alǵa shyqty. Endi juptyq báseke eshteńe sheshpeıdi. Belgııa 14-19 sáýirde Býdapeshte ótetin fınaldyq saıysqa joldama aldy. Oǵan eń úzdik 12 qurama qatysady.
Eske sala keteıik, budan buryn Qazaqstannyń bir upaı berip qoıǵanyn, Pýtıntsevanyń tarazy basyn teńestirgenin, búgin onyń jeńilip qalǵanyn jazǵan bolatynbyz.
