Federatsııa kýbogy: Qazaqstan – Belgııa matchynyń jerebesi tartyldy
NUR-SULTAN. QazAqparat – Kortreıkte 7-8 aqpan kúnderi ótetin Federatsııa kýbogy irikteý kezeńindegi Qazaqstan – Belgııa matchynyń jerebesi tartyldy, dep habarlaıdy QazAqparat tilshisi.
Ulttyq olımpıada komıteti málim etkenindeı, alǵashqy kúni Zarına Dııas Elıze Mertenspen oınaıdy.
Z.Dııas álemdik reıtıngte 63-orynda tursa, Belgııanyń birinshi raketkasy E.Mertens 19-satyda tur.
Álemniń 34-raketkasy ıÝlııa Pýtıntseva reıtıngte 115-orynda turǵan Isalın Bonavantıýrmen synǵa túsedi.
8 aqpanda qarsylastar almasady.
Juptyq synda ıAroslava Shvedova men Anna Danılına Kırsten Flıpkens pen Grete Mınnenmen kortqa shyǵady.
Match jeńimpazy Býdapesht qalasynda sáýir aıynda jańa formatta ótetin fınaldyq saıysqa joldama alady.
Eske sala keteıik, budan buryn Federatsııa kýbogynyń irikteý matchynda Qazaqstan men Belgııa quramalary kezdesetinin jazǵan bolatynbyz.
