FBR Los-Andjeleste jańa jyl túni josparlanǵan teraktilerdiń aldyn aldy

ASTANA. KAZINFORM — AQSh-tyń arnaıy qyzmeti Los-Andjeleste jańa jyl túni terrorıstik shabýyldar uıymdastyrmaq boldy degen kúdikpen tórt adamdy ustaǵanyn málimdedi, dep habarlaıdy Bild.

AQSh bıliginiń málimetinshe, ustalǵandar radıkaldy propalestınalyq toptyń boljamdy músheleri sanalady jáne olar birqatar jarylys uıymdastyrýdy josparlaǵan.

Ustalǵandar týraly aqparat búgin tarady. Tergeý nusqasyna sáıkes, kúdiktiler shabýyldardy qalada jappaı is-sharalar ótetin, kóshelerde myńdaǵan adam jınalatyn jańa jyl merekesi kezinde jasaýdy talqylap, soǵan daıyndalǵan. Alaıda FBR naqty qaı nysandardyń nysanaǵa alynýy múmkin bolǵanyn ázirge jarııalaǵan joq.

Qazirgi ýaqytta tórt kúdikti de qamaýda otyr, olarǵa terakt daıyndaý jáne ekstremıstik qyzmetke qatysý baptary boıynsha aıyp taǵý josparlanyp otyr.

Buǵan deıin Aýstralııanyń Sıdneı qalasynda Bondi Beach jaǵajaıynda terakt jasalǵan bolatyn. Ol evreılerdiń Hanýka merekesiniń bastalýyna arnalǵan is-shara kezinde bolǵan.

Atalǵan terrorıstik shabýyldy Germanııa, Eýropalyq odaq jáne Túrkııa aıyptady.

Sonymen qatar BUU basshysy da Sıdneıde adamdarǵa jasalǵan shabýyldy aıyptaǵany aıtyldy.

Keıinnen Sıdneıdegi shabýyldan qaza tapqandar sany 16-ǵa jýyqtaǵany anyqtaldy.

Aýstralııada lańkesti toqtatqan qarapaıym satýshy týraly ne belgili ekenin jazǵan edik.