FBR-dyń Qazaqstan azamatyn qamaýǵa alǵany ras pa – SІM jaýaby

ASTANA. KAZINFORM – AQSh-ta reseılik Pavel Kýbıtskıı men qazaqstandyq Aleksandr Hodyrev darknet-forýmdy basqarǵany úshin qamaýǵa alyndy. Olar birneshe jyl qatarynan derbes aqparat pen kredıttik nómirlerdi taratqan. Bul týraly kommersant.ru habarlaıdy. 

Qamaýǵa alý týraly buıryqqa sáıkes, olar 2017 jyldyń tamyzynan bastap eBay jáne Reddit arqyly alaıaqtyq áreketter úshin WWW Club forým paraqshasyn júrgizgen. Servıs zańsyz taýarlardy satyp alýǵa jáne satýǵa nemese hakerlerdi jaldaýǵa múmkindik bergen. Sondaı-aq, servıste hakerlik jáne jeke derekterdi urlaý boıynsha oqytý kýrstary qoljetimdi bolǵan. 2020 jyldyń shildesine 170 myń adam tirkelse, al 2023 jyldyń naýryzynda 350 myń adam qosylǵan.

Olardyń tabysynyń naqty mólsheri belgisiz, biraq Maıamı jaǵajaıynyń mańyndaǵy Sannı aralynda kondomınıým satyp alý múmkindigi bolǵan. Al Aleksandr Hodyrev 2023 jyly shyǵarylǵan Corvette sporttyq kóligin 110 myń dollarǵa satyp alǵan.

Kazinform tilshisi istiń mán-jaıyn bilý maqsatynda QR Syrtqy ister mınıstrligine júgindi, alaıda vedomstvo AQSh tarapynan resmı rastaýdy kútip otyr.

«Sondyqtan Qazaqstan azamatynyń ustalǵanyn rastaı da, joqqa da shyǵara almaımyz», - deıdi mınıstrlik ókili.