Faızýlla Sahıev: Gıppokrat antyna adal bolyp, alǵysqa bólený – baqyttyń bıigi
«Jaqynda pnevmonııammen syrqattanyp qaldym. Ystyǵym kóterilip, tábetim bolmady. Osylaısha aýdandaǵy qosymsha ashylǵan №3 provızorlyq statsıonarǵa tústim. Dárigerler jedel túrde qarap, dıagnoz qoıdy. Qajetti emdeý sharalarynyń nátıjesinde 13 kún em aldym. Sol ýaqyt aralyǵynda syrqatymnan saýyǵyp otbasyma qýanyshpen oraldym», - dedi Qazaqstan Jýrnalıster Odaǵynyń múshesi Faızýlla Sahıev.
Onyń aıtýynsha, aýdan kóleminde ortalyq aýrýhanaǵa qosymsha úsh birdeı provızorlyq ortalyqtar qurylǵan. Sol arqyly dárigerler aýrýdyń aldyn alyp, syrqattanǵan jandarǵa jedel medıtsınalyq kómek kórsetip keledi. Bul naýqas jandaryń qajetti em-dom alýyna oń áserin tıgizedi.
«Osy oraıda №3 provızorlyq statsıonardyń aq halatty abzal jandaryna aıtar alǵysym sheksiz. Kún-tún demesten olar syrqat jandardyń janynan tabyldy. Jyly sózi, jaıdary júzimen emd alǵandardyń kóńiline shyqty. Osylaısha júregi keń jandardyń isi men eńbegine rıza boldym. Ásirese, dárigerler Jumash Mereı, Baltabaı Mahatov, aǵa meıirbıke Turǵash Danıeva, meıirbıkeler Janar Omarova, Symbat Nurtasbek, Qalamqas Qanaıbekova, Tilektes Salybekova osyndaı qajyrly eńbegimen kózge tústi. Al Mádı Isaev, Aıdos Sáýlebekov, Nurdaýlet Ábdiqalyq syndy mamandar tynymsyz qımyl jasap, jeńil qoldy shıpasyn kórsetti. Ortalyqtyń sanıtarlyq jaǵdaıyn qadaǵalap, múltiksiz oryndap otyratyn Gúlnar Omarova men Nursulý Abdlýllaevanyń da eńbegine emdelýshiler dál rıza.
Iá, Gıppokrat antyna adal bolý, halyqqa minsiz qyzmet jasap, kóptiń oıynan tabylyp, aq halattynyń abyroıyna daq túsirmeı alǵysqa bólený – baqyttyń bıigi. Endeshe mereıleriń ústem bolyp, alǵysqa bólene berińizder deımiz», - dedi F.Sahıev.
Sondaı-aq, Qyzylorda oblysynda pnevmonııanyń aýyr túrine shaldyqqan naýqastar sany azaıdy.