Faılın daýylynan alty adam qaza tapty
ASTANA. 13 qazan. QazAqparat - Taılandtan ońtústikke qaraı bet alǵan Faılın daýyly Úndi jaǵalaýyna deıin jetti. Keminde alty adam apat qurbany boldy, ondaǵan adam habarsyz ketti, dep habarlaıdy korrespondent.net.
Jergilikti BAQ habarlaǵandaı, bılik mıllıonǵa jýyq adamdy qaýipsiz jerge shyǵardy.
Qazirgi ýaqytta jeldiń jyldamdyǵy saǵatyna 200 shaqyrymǵa jetedi.
Andhra-Pradesh shtatynyń tótenshe jaǵdaılar jónindegi komıssarynyń sózine qaraǵanda, negizinen osynsha qatty jel ekpinine shydamaıtyn lashyq úıler men eski úıler zardap shegedi.
Teńizdegi tolqynnyń bıiktigi segiz metrge jetedi. Áskerıler birneshe balyq aýlaıtyn traýlerdiń joǵalyp ketkeni týraly habarlaýda, 20 teńizshiniń taǵdyry belgisiz.
Úndistan bıligi "qyzyl" - eń joǵarǵy qaýiptilik deńgeıin jarııalady. Birneshe aýdanda elektr qýaty joq, poıyzdar júrmeıdi, áýejaılar jabylǵan.
