Fatıma Supyǵalıeva Qazaqstan tarıhynda dzıýdodan qyzdar arasynda tuńǵysh álem chempıony atandy
ASTANA. KAZINFORM - Ekvadorda ótip jatqan dzıýdodan jasóspirimder arasyndaǵy álem chempıonatynda Qazaqstan qorjynyna ekinshi altyn medal tústi, dep habarlaıdy QR Týrızm jáne sport mınıstrliginiń baspasóz qyzmeti.
Qyzdar arasynda 52 kelige deıingi salmaq dárejesinde synǵa túsken Fatıma Supyǵalıeva qarsylas shaq keltirmeı, álem chempıony atandy.
Fınalda ol ýkraınalyq Ksenııa Kırılchýktan basym tústi.
Beldesýdiń negizgi ýaqyty teń aıaqtalyp, jeńimpaz qosymsha ýaqytta (golden score) anyqtaldy. Sheshýshi sátte otandasymyz utymdy ádis jasap, qarsylasyn ıpponmen jeńdi.
Osylaısha, Fatıma Supyǵalıeva Qazaqstan dzıýdosy tarıhynda qyzdar arasynda álem chempıony atanǵan tuńǵysh dzıýdoshy retinde tarıhqa endi.
Sondaı-aq Іnjý Jumajan (-57 kg) kúmis júldege ıe bolsa, Erik Úsenov (-66 kg) pen Bekálı Erken (-73 kg) álem chempıonatynyń qola júldegeri atandy.
-Qazaqstan jasóspirimder quramasy álem chempıonatynyń ekinshi jarys kúninen keıin de jalpy medal kestesindegi kóshbasshylyǵyn saqtap qaldy. Ulttyq quramanyń enshisinde 2 altyn, 3 kúmis jáne 4 qola medal bar.
Bıylǵy álem birinshiligine 59 elden 457 jas tatamı sheberi qatysýda. Álem chempıonaty 23 tamyzǵa deıin jalǵasady,-delingen habarlamada.
