FATF-tyń qylmystyq kiristi zańdastyrý men lańkestikti qarjylandyrýǵa qarsy áreketterdiń halyqaralyq standarttary óz nátıjesin bere bastady - FATF Prezıdenti
trong>. Maýsymnyń 2-si. QazAqparat /Erlik Erjanuly/ - Qylmystyq kiristi zańdastyrý men lańkestikti qarjylandyrýǵa qarsy áreket jónindegi Eýrazııalyq top (EAT) aımaqtaǵy memleketterge FATF-tyń halyqaralyq standarttaryna sáıkes quqyqtyq jáne ınstıtýtsıonaldyq negiz qalyptastyrýǵa kómektesedi. Bul búgin Almaty oblysy Talǵar aýdanyndaǵy "Aq bulaq" sporttyq saýyqtyrý kesheninde ótip jatqan EAT-tiń 12-shi otyrysynda aıtyldy,
dep habarlaıdy QazAqparat.
"FATF 20 jyldan beri qylmystyq kiristi zańdastyrý men lańkestikti qarjylandyrýǵa qarsy árkette jekelegen elderge baqylaý jasaıdy. Biz turaqty baǵalaý ǵana júrgizbeımiz, kezdesken olqylyqtardy baǵalaýdyń kelesi satysynda mindetti túrde túzelýin qadaǵalaımyz. Eger eshnárse jasalmasa, qanaǵattanarlyqsyz dep baǵa beremiz", deıdi FATF Prezıdenti Pol Vlanderen. Qandaı memleketterde táýekelder bar ekenin jáne qandaı elder halyqaralyq standarttardy qabyldaǵysy kelmeıtinin bilý maqsatynda álemdik kóshbasshylardyń «jıyrmalyǵy» FATF-ty jarııa tizim jasaýǵa shaqyrǵan bolatyn. Pol Vlanderenniń aıtýynsha, FATF aqpan aıynda osyǵan baılanysty 2 tizim shyǵardy. 1989 jyly qurylǵan bul uıym músheleri 20 jyldyń ishinde 16 el boldy. Qazirgi tańda onda 180-nen astam el men ıýrısdıtsııalar bar. EAT qazirgi tańda FATF-tyń aımaqtyq úlgidegi 9 toptarynyń biri bolyp otyr. Ol 2005 jyldan beri FATF-ta baqylaýshy mártebesine ıe. Onyń eki múshe-eli (Qytaı men Reseı) FATF-tyń da múshesi. Al Reseı FATF-tyń aımaqtyq úlgidegi Aram aqshany zańdastyrý men lańkestikti qarjylandyrýǵa qarsy kúrestiń qarjylyq sharalarynyń Eýropalyq keńesi sarapshylar komıtetiniń ( MANIVEL) de múshesi bolyp tabylady.
