Fast-fýdty oqýshylardyń 13,6 paıyzy kún saıyn, 16 paıyzy apta saıyn, 55 paıyzy sırek bolsa da qoldanady - S. Muqasheva
ALMATY. 26 qarasha. QazAqparat - Balalar artyq salmaq pen semizdik ákeletin qaýipten habarsyz. Bul týraly búgin Almatyda oqýshylardyń tamaqtaný mádenıetiniń tómendigi týraly baspasóz máslıhatynda aıtyldy.
«Bizdiń ortalyq árbir 3 jylda bir ret el turǵyndary arasynda zertteý júrgizip otyrady. 2012 jyly 14 oblys pen Astana, Almaty qalalarynda 24 myń respondent arasynda saýalnama júrgizildi. Onyń 6 myńyn 11-17 jas aralyǵyndaǵy balalar qurady», - deıdi Salaýatty ómir saltyn qalyptastyrý problemalary ulttyq ortalyǵy dırektorynyń orynbasary Saltanat Muqasheva. Onyń aıtýynsha, zertteý qorytyndysyna saı bilim berý uıymdarynda oqýshylar ystyq taǵammen 55,6 paıyzǵa ǵana qamtamasyz etilgen. Olardyń 74 paıyzy táýligine ortasha alǵanda 400 gramm jemis-jıdek pen kókónis jeıdi. Alaıda oqýshylardyń 24 paıyzy tátti gazdy sýsyndardy, 13,6 paıyzy fast-fýdty kún saıyn tutynady. Al 16 paıyzy apta saıyn, 55 paıyzy óte sırek bolsa da paıdanady. Sondaı-aq oqýshylardyń 23 paıyzdan astamy kompıýter aldynda 4 saǵattan astam, 25 paıyzy teledıdar aldynan shyqpaıdy.
