Fashızmdi jeńýde Qazaqstannyń qosqan úlesi týraly derekti fılm jaryqqa shyqty

NUR-SULTAN. QazAqparat – Qazaqstan Respýlıkasy Prezıdentiniń Teleradıokesheni áskerı-patrıottyq taqyryptaǵy «Taǵdyr jáne taǵylymdy tarıh» atty derekti fılmdi jarııalady, dep habarlaıdy QazAqparat tilshisi.

16 mınýttyq derekti fılmde Ekinshi dúnıejúzilik soǵys kezinde fashızmdi jeńýdegi Qazaqstannyń qosqan úlesi týraly baıandalady.

Fılmge Brest qamalyn qorǵaǵan qazaqstandyqtardyń estelik suhbattary men Qazaqstanda qurylǵan áskerı bólimderdiń jaýyngerlik áreketteri týraly tarıhshylardyń pikir-paıymdary engizilgen. Sonymen birge derekti fılmnen Halyq Qaharmany Qasym Qaısenovtyń arhıvtegi suhbaty, Rahymjan Qoshqarbaevtyń Reıhstagqa tý tikken erligi týraly estelikterdi kórýge bolady.