Fashıstik Germanııa sarbazdaryn beıneleıtin oıynshyqtarǵa tyıym salyndy
ASTANA. QazAqparat - Máskeý tártip saqshylary megapolıstegi saýda oryndarynan ІІ Dúnıejúzilik soǵys kezindegi natsıstik Germanııa kıimin kıdirgen oıynshyq sarbazdardy tárkilep jatyr, dep habarlady Reseı tergeý komıtetiniń ókili ıÝlııa Ivanova.
«Qazirgi kezde atalǵan ónimdi alýǵa baǵyttalǵan sharalar qabyldanyp, olarǵa uqsas taýarlardyń ornalasýyn anyqtaý jumystary júrgizilip jatyr», delingen Interfaks agenttigine bergen aqparatynda vedomstvo ókili.
SKR-dyń málimetterinshe, tergeýshiler sondaı-aq satýshylardy surastyryp, izdeý salǵan. Buǵan deıin RTK Máskeý boıynsha basqarmasynyń Lýbıankadaǵy «Ortalyq balalar dúkeni» saýda ortalyǵynda (burynǵy «Balalar álemi») natsıstik sımvolıkasy bar oıynshyq sarbazdardy satý faktisi boıynsha qylmystyq is qozǵalǵan.
Juma kúni «Rossııa-1» telearnasynan naýryz aıynyń sońynda ashylǵan saýda ortalyǵynda natsıstik sımvolıkasy bar sarbaz oıynshyqtardyń satylyp jatqany týraly sıýjet kórsetilgen.
