Farýh Toqtasynov Strandja týrnırinde jartylaı fınalǵa shyqty

ASTANA. KAZINFORM — Bolgarııa astanasy Sofııa qalasynda ótip jatqan halyqaralyq Strandja týrnıriniń besinshi jarys kúni, 27 aqpanda el quramasynan Farýh Toqtasynov (70 keli) jartylaı fınalǵa joldama aldy.

Qazaqstan chempıonatynyń kúmis júldegeri Farýh Toqtasynov ¼ fınalda Germanııanyń jas sportshysy Rendı Botıkalımen jolyqty. Otandasymyz 3 raýnd boıy joǵary qarqynda sheberlik kórsetip, qarsylasynan 4:1 esebimen basym tústi.

Farýh Toqtasynov 2025 jylǵy Bolgarııadaǵy týrnırdiń kúmis júldegeri bolǵan.

Sondaı-aq qazaqstandyq Danıal Sábıt (50 keli) ¼ fınalda Túrkııa sportshysy Ýlas ıAlchınkaıany qapy qaldyrdy.

Al el quramasynan Baǵlan Kenjebek (55 keli), Ertýǵan Zeınýllınov (65 keli), Muhammedsabyr Bazarbaıuly (70 keli) jarys jolyn aıaqtady.

Endi keshki sessııada Sultanbek Aıbaruly (85 keli), Dáýlet Tólemisov (90 keli), Nurlan Saparbaı (90 keliden joǵary), Bekzat Tańatar (85 keli), Nurmagamed ıÝsýpov (90 keli) sharshy alańǵa shyǵady.

Aıta ketsek, Qazaqstan quramasy Bolgarııa astanasyna 39 boksshyny attandyrdy. Bıyl Strandja kýbogy 77 márte ótkizip jatyr. Bul týrnır Eýropa qurlyǵyndaǵy tarıhı tereń sporttyq jarys sanalady. 

23 aqpan-2 naýryz aralyǵynda bolyp jatqan týrnırge 36 elden 300-den astam boksshy keletini naqtylandy. Olardyń arasynda Bolgarııadan bólek Qazaqstan, Ózbekstan, AQSh, Kýba, Ázerbaıjan, Brazılııa, Ýkraına, Mońǵolııa, Anglııa, Túrikmenstan, Qytaı Taıpeıi jáne ózge memleketter bar.