Farmatsııa komıteti Qyzylorda oblysy boıynsha departamentiniń basshysy taǵaıyndaldy
QYZYLORDA. KAZINFORM – QR Densaýlyq saqtaý mınıstriniń kelisimi negizinde Farmatsııa komıteti tóraǵasynyń buıryǵymen komıtettiń Qyzylorda oblysy boıynsha departamentiniń basshysy laýazymyna Nursultan Ermekbaev taǵaıyndaldy.
Búgin ony aımaq aktıvine oblys ákimi Murat Ergeshbaev tanystyrdy.
Nursultan Álimbaıuly 1992 jyly Qyzylorda qalasynda dúnıege kelgen. Astana medıtsına ýnıversıtetinde farmatsııa, Qorqyt ata atyndaǵy Qyzylorda ýnıversıtetinde memlekettik jáne jergilikti basqarý mamandyqtary boıynsha bilim alǵan.
Eńbek jolyn 2017 jyly Farmatsııa komıtetiniń Qyzylorda oblysy boıynsha departamentinde bas maman retinde bastap, basqa da laýazymdarda bolǵan. 2026 jyldyń shilde aıynan osy ýaqytqa deıin departament basshysynyń orynbasary qyzmetin atqaryp keldi.
Jańa basshyǵa dárilik zattar men medıtsınalyq buıymdardyń sapasyn, qaýipsizdigin baqylaý tapsyryldy. Sondaı-aq turǵyndardyń dári-dármekke qajettiligi, qoljetimdiligi jan-jaqty taldanýy kerek.
Budan bólek, farmatsevtıkalyq qyzmet kórsetetin uıymdardyń jumysynda anyqtalǵan kemshilikterdi joıý, aldaǵy ýaqytta qaıtalanýyna jol bermeý baǵytynda da tıisti sharalar qabyldaý mindetteldi.
Eske salaıyq, buǵan deıin Soltústik Qazaqstan oblysy ákiminiń Memlekettik qyzmet isteri agenttigimen kelisilgen ókimine sáıkes Birjan Saılaýuly Kósherbaev qurylys, sáýlet jáne qala qurylysy basqarmasynyń basshysy bolyp taǵaıyndaldy.