Farmatsevtıka salasynda 741 mln teńgeniń qarjylyq zań buzýshylyǵy anyqtaldy
ASTANA. KAZINFORM – QR Joǵary aýdıtorlyq palatasynyń tóraǵasy Álıhan Smaıylov Májilistiń jalpy otyrysynda 2024-2025 jyldary farmatsevtıka salasynda júrgizilgen eki aýdıttiń qorytyndysyn jarııalady.
- Aýdıt nátıjeleri dári-dármekpen qamtamasyz etý salasynda júıeli jáne keshendi problemalardyń baryn kórsetti. Anyqtalǵan máseleler boıynsha Úkimetke tıisti usynymdar men Densaýlyq saqtaý mınıstrligine tapsyrmalar berildi. Joǵary aýdıtorlyq palata aldaǵy ýaqytta da osy baǵyttaǵy jumystyń ilgerileýin qadaǵalap otyrady, – dedi Álıhan Smaıylov.
Sondaı-aq ol eki aýdıt nátıjesi boıynsha qansha teńgeniń buzýshylyqtary anyqtalǵanyn atap ótti.
- Jalpy eki aýdıttiń qorytyndysy boıynsha 741 mln teńgege qarjylyq zań buzýshylyqtar, 32 mlrd teńgege qarajattyń tıimsiz josparlanǵany jáne paıdalanylǵany, 58 mlrd teńgege shyǵyn men jiberip alǵan paıda faktileri anyqtaldy. Ákimshilik quqyq buzýshylyq belgileri bar 134 fakt boıynsha materıaldar ýákiletti organdarǵa, bes fakt boıynsha aýdıt materıaldary quqyq qorǵaý organdaryna jiberildi, - dedi Joǵary aýdıtorlyq palatasynyń tóraǵasy.
Aıta keteıik, preparattardy tirkeý rásiminde de shıkilikter anyqtaldy.